ШИФОБАХШИ АСР

Томографии магнитно-резонансӣ (МРТ) — усули дақиқ ва бехатар барои ташхис мебошад, ки барои ба даст овардани тасвирҳои муфассали узвҳо ва бофтаҳои дохилӣ имкон медиҳад. Барои он ки натиҷаҳои ташхис ҳадди аксар дастрас ва дақиқ бошанд, омодагӣ ба МРТ дуруст бояд анҷом дода шавад. Мо мефаҳмонем, ки чӣ тавр инро қадам ба қадам ва бе фишор иҷро кардан мумкин аст.
Тавсияҳои умумӣ пеш аз МРТ Омодагӣ ба МРТ вобаста ба минтақаи ташхис каме фарқ мекунад, вале қоидаҳои умумӣ вуҷуд доранд:

• Намуди МРТ-ро дақиқ кунед: бо контраст ё бе он. Моддаи махсус метавонад омодагии иловагиро талаб кунад, масалан 4–6 соат пеш аз гузаронидани амалиёт чизе нахӯрдан.
• Ба духтур дар бораи мавҷудияти металлҳо,  аз ҷумла, лавозимоти танзимкунандаи қалб( кардиостимуляторҳо), воситаҳои ивазкунанда (имплантҳо), дастгоҳҳои ортодонтӣ барои дуруст кардани ҷойгиршавии дандонҳо ( брекетҳо), лавозимоти хурде, ки барои бастан, нигоҳ доштан ё пайваст кардани чизҳо истифода мешаванд, (клипсҳо), дастгоҳҳои электронии хурд, ки барои идора ва таҳвили мӯътамади инсулин ба бадан истифода мешаванд, (помпаҳои инсулин) ва ғайра хабар диҳед Баъзе аз ин дастгоҳҳо бо МРТ мувофиқ нестанд.
• Бо худ роҳнамо ва ҳуҷҷатҳои тиббӣ (натиҷаҳои таҳқиқоти қаблӣ, хулосаҳо, варақаҳои амбулаторӣ) биёред, агар дошта бошед.
• Либоси бароҳат ва бе ҷузъҳои металлӣ (зиперҳо, тугмаҳо, занҷирҳо) пӯшед. Пеш аз ҷараёни ташхис мумкин аст шуморо барои иваз кардани либос даъват кунанд.
• Ҷавоҳирот ва лавозимотро (занҷирҳо, гӯшворҳо, соат, клипсаҳо, айнак ва ҳатто гӯшкунакҳои телефонӣ) аз худдур кунед — инҳо метавонанд ба сифати тасвирҳо таъсир расонанд.

Омодагӣ ба МРТ дар минтақаҳои гуногун
МРТ-и мағзи сар
Одатан омодагии махсусро талаб намекунад. Беҳтар аст ором бошед. 1–2 соат пеш аз ташхис қаҳва, энергетикҳо нӯшидан ва кашидани тамбоку манъ аст.
МРТ-и шикам
Тавсия дода мешавад:

• 4–6 соат пеш аз ташхис ё қабули МРТ наҳорӣ накунед.
• Як рӯз пеш аз ташхис маҳсулоти газофароварро (хӯрдани лӯбиё, калам, нӯшокиҳои газдор, нонворӣ) аз реҷаи ғизоии худ хориҷ кунед.
• Мумкин аст духтур модда ё доруе, ки дар рӯдаи ҳозима барои ҷабби моддаҳои заҳрнок, токсинҳо ва дигар маводҳои номатлуб истифода мешавад, ё сӯзандаҳоро таъин кунад.

МРТ-и узвҳои тазаввурӣ (мало таз)

• 4–6 соат пеш наҳорӣ накунед.
• 30–60 дақиқа пеш аз ташхис бояд пуфакро бо нӯшидани 0,5–1 литр об пур кунед.
• Барои занҳо: дар бораи ҳомиладорӣ, давраи ҳайзбинӣ ё мавҷудияти спирали дарунмаҳал хабар диҳед.

МРТ-и сутунмӯҳра ё узвҳои пайвасткунанда
Одатан омодагии махсус лозим нест. Муҳим аст, ки дар рӯзи ташхис мазҳо ва равғанҳои молиданиро  истифода набаред ва ҳамаи ашёи металлиро аз худ дур намоед.
Омодагӣ ба МРТ бо контраст
Моддаи контраст тавассути вена ворид мешавад ва барои беҳтар намоён кардани рагҳо, туморҳо ва илтиҳоб кӯмак мерасонад. Муҳим аст:

• Ба духтур дар бораи ҳассосият, бемориҳои гурда ва диабет хабар диҳед.
• 4–6 соат пеш аз ташхис наҳорӣ накунед.
• Пас аз ташхис оби зиёд нӯшед, то моддаҳо зудтар аз вуҷуди шумо хориҷ шавад.
• Манъи мутлақ барои МРТ
• Мавҷудияти кардиостимулятор ё импланти металлӣ, ки бо МРТ мувофиқ нест.
• Се моҳи аввали ҳомиладорӣ (барои МРТ бо контраст).
• Манъи нисбӣ:
• Клаустрофобия ё тарси худи бемор аз доштани ҷойҳои баста ё маҳдуд (имконияти истифодаи МРТ бо контуруи кушод вуҷуд дорад).
• Норасоии гурда (махсусан вақте ки моддаи махсус истифода мешавад).

Омодагӣ ба МРТ кори душвор нест, вале диққат ва риояи қоидаҳоро талаб мекунад. Риояи тавсияҳо барои ташхис зуд, дақиқ ва бидуни таъсирҳои номатлуб кӯмак мекунад. Агар саволҳое дар ин маврид боз ҳам ба шумо ҷой доранд, бо маркази мо тамос гиред, мутахассисони мо бо муфассал шуморо роҳнамоӣ хоҳанд кард.

Электрокардиография (ЭКГ) — ин усули тез, бехатар ва дастрас барои ташхис мебошад, ки ба ошкор кардани норасоии набзи дил, ишемия, сактаи гузаронида ва дигар бемориҳои дил кӯмак мерасонад. Барои он ки натиҷаҳо максималӣ дақиқ бошанд, омодагӣ ба ЭКГ муҳим аст. Тавсия медиҳем, ки пеш аз ташхис чӣ бояд донист.
Чаро омодагӣ ба ЭКГ лозим аст?
Ҳарчанд ки ин навъи ташхиси кори душворро тақозо намекунад, ҳолати ҷисмонӣ ва равонии бемор метавонад ба дақиқии натиҷаҳо таъсир расонад. Масалан, фишорҳои беруна, қаҳва ё сарбории ҷисмонӣ метавонад набзи дилро тағйир ва натиҷаро нодуруст нишон диҳад.
Тавсияҳои умумӣ пеш аз ЭКГ:

• Аз фаъолияти ҷисмонӣ дар давоми 1–2 соат пеш аз ташхис худдорӣ кунед. Анҷоми кори ҷисмонӣ, аз ҷумла вазн бардошт мумкин аст суръати зарбаҳои дилро зиёд кунад.
• Камаш 2 соат пеш аз ташхис қаҳва, чой, энергетик нанӯшед ва сигор накашед. Ин воситаҳо  системаи асабро ҳавасманд ва ба зарбаи дил таъсир мерасонанд.
• Кӯшиш кунед асабонӣ нашавед. Фишори беруна сабаби аслии натиҷаҳои ғалат дар ЭКГ мегардад. Пеш аз ташхис 10–15 дақиқа ором шавед, нафас гиред.
• Дар рӯзи ташхис ба сина крем, равған ё лосон намолед — ин метавонад пайвастагии электродҳоро бо пӯст халалдор кунад.
• Пӯшидани либоси бароҳатро интихоб кунед, ки осон кашидан ё берун овардан мумкин бошад — ЭКГ дар сина, шикам ва китфҳо гирифта мешавад.

Хусусиятҳои омодагӣ барои мардон ва занон:

• Мардоне, ки мӯйи зиёд дар сина доранд, метавонанд пурсанд, ки  барои беҳтар алоқаманд кардани электродҳо мӯи синаашонро қисман гузоранд ё тарошанд
• Ба занон тавсия дода мешавад, ки пойафзол ё воситаҳои махсуси нигаҳдории сина бо ҷузъҳои металлӣ надошта бошанд, то дастрасӣ ба минтақаи ташхис осон бошад.

Чӣ бояд бо худ овард?

• Ҳуҷҷати равонашуда аз духтур ва кортҳои тиббӣ, агар ташхис бо тавсияи духтур бошад.
• Натиҷаҳои ЭКГ-и қаблӣ, агар дошта бошед — барои муқоиса.
• Рӯйхати доруҳои истеъмолӣ, махсусан барои доруҳои дил.

Омодагӣ ба ЭКГ-и шабона (мониторинги Холтер):

• Агар шуморо барои мониторинги 24-соата таъин карда бошанд:
• Пеш аз насб оббозӣ кунед гиред — пас шустан мумкин нест.
• Либоси озод пӯшед, ки ба симҳо ва дастгоҳ халал нарасонад.
• Реҷаи фаъолиятҳои хеш тартиб диҳед: кай мехобед, кай хурок мехӯред, фишори берунӣ ё фаъолияти ҷисмонӣ доред — ин ба духтур барои фаҳмидани натиҷаҳо кӯмак мерасонад.

ЭКГ — ташхиси оддӣ ва зуд аст, вале омодагӣ ба он кори ба даст овардани натиҷаи ҳақиқиро осон мекунад. Агар тавсияҳои оддиро риоя кунед, ташхис бо осонӣ ва самаранокӣ гузаронида мешавад. Агар намедонед чӣ гуна омодагӣ бинед — бо дармонгоҳи мо тамос гиред, мо ба шумо маслиҳат медиҳем.